شوفو عجايز بكري كيفاش يحفظو الحروف

نبداكلامي بالليف ياربي وانت اللطيف انحشد من فيه النيف الناس اللي يملاحو سداتي اهل التصريف ظنيت ذل الخطرة راحو

نبدا كلامي بالباء وعلى صاحب الرباء ربي عنو حاجة ماتتخبا غدوا مثلو مثل الشيطان يتقلب ظهر وبطان في الصفحة كلش بيان ربي مايظلم الانسان غير اللي دارت فعالو في الدنيا غر بروحو وفي الاخرة مالقا والو

تاتاتيني توبة ربي ليك الهروبة يانفسي يالمشغوبة غدا راك مطلوبة فالهانة والهاوين

نبدا كلامي بالثاء ياخالق ذكر وانثى الخاوا كبرو عادو خباثا قليل منهم حشاهم وسوسلهم الشيطان وزادوهم انساهم .هز عليا والديك لدار العجازا ارماهم خاف ربي يامخلوق لعصيت الوالدين عصيت ربي معاهم

نبدا كلامي بالخا بونادم فيها يترخى والدنيا فيها فرحة يمشي فيها بالنفخة ويشيد فيها القصور ونسى ايام الصح لقى روحو فالقبور

نبدا كلامي بالدل على ذل الجيل تبدل ماتلقى فيه العاقل للخلاء يتلاحو يفرقو بين الخاوا وبالكلام قباحو

نبدا كلامي بالرا وعلى الدنيا الغرارة اللي تقفلو عند خطرة تعمرلو مراحو ترجعلو بمرارة تقطعلو مرجاحو

نبدا كلامي بالزا والزا ينقط من فوق والدنيا كي مثل السوق يعمر ويعشي مفروق عشاق الدنيا جاحو بونادم فيها مفلوق والاخرة مرواحو

نبدا كلامي بالسين ياربي والهربة وين ولي في عمرو ستين راهو ترك صلاتو ظهرو اتقوس مسكين ولقى الايام فاتو صلاها في الجحيم وطارو جلداتو

نبدا كلامي بالطا مافيه النقطة حفرو قبري وتوطا زهو الدنيا مايبطا وايام العز يروحو لامن تديه الغلطة يهوا ويغر بروحو

نبدا كلامي بالنون وهذا الجيل المجنون وراه مخادع شانت فعالو قباحو وهوات به الغرور في النار السودا طاح

نبدا كلامي بالواو صحاب بليس اتقواو وقليل منهم اللي ينجا الصف غلب بالايمان والصف دارو بيه ابليس الفرجا

هذة كلمات جدتي جزاها الله خيرا والله يحفظها ويطولنا بعمرها